HAUSA LEH BUSÛN-SALIANG:
KL Muana Khaute
Vaiphei pu leh pa ten malai a pat in upa a hem a neizo deu ten achi a nam Abe a phung atu acha teu chenna ding gam bang tia a hem, sung chu a enkual ua,Sa leh gala ki ven bit nawpna deu,tui hawina mun,bu leh bal pian na mun di a enfel sek ua,khawsak thei na ding a hi chun gam chu a hual khum ua Thiampu mang kithawina,latna a nei un khua min ding a phuak ua chenna in di a siam pan sek ui.
Chutia khua a hun siam zaw phat uale a Cheng di mi a kikhawm sek ui. Zia khua a Cheng di te chu zu/thi bel a khai sek un phalna ala dawn sek ui.khawsung a Cheng te kipakni leh dani le hausa’n a panpi sek ui.Hausa chun a ma khawn bawlpi di Inpi vaihawm siamang a siam sek a,akhenkhat ama thasanga vaihawm thei di le a guat a,Tangsam di le a siam a,Thiampu di leh thiksek di le a guat chuam sek hi.
Hausa pu chun ami te chu lou vatna ding gam le a pe sek a,Kumsin in busun a la khawm sek a chuleh a siamang, a khâwn bawlpi adiak in Thiampu leh thiksek te hin le chan vou a nei sek ui.kua tawh bang a pem nuam a um leh le kipak tak in, a In Chuan sek ui.Khawsung a thubuai chuam te salam sat ding a ki lawm te salam asat sak sek a hi. Anchang,thing leh a pawimaw te hausan atuak piak sek a mawpuakna Lian tak a nei hi, ahinla hausa upa vaivawm te za lo chu gawtna a pe sek ui.
Chun,khawsung a genthei chate a panpi sek ua.Sa leh gal jiak a thina leh haksakna tuak te ami a ki thuapi sek ui .Sahang man ngal-chang man ,zângsial leh a dang mante te a aih sek un a chawi hawi sek ui.
Khawsung hausa te hin mawpuak na lian tak a nei un, khawsung a liangvai,haksatna te, Inchen lochen a buai te le a panpi sek un zin leh leng alian a neu josia, etkawl hi hausa te a hiu ah, zia achun nautang nungak fel tak sang hausa chanu te hi a fel un vaihawm a thiam ui, a ki tia zi le cha ding a le dawitel ala hi deu sek ui. Ahinla hausa vaihawm thiamlo chu akhaw alopi theipuan, atawp le khawchaga ahung hi sek ui. Zia gual chun tulai khawvel ahin le hausa vaihawm thiam chu a khua le athupi a miten te a za ma ma un, ngaisan le khaw entawntak ahung hi sek ui.
Khawsung a Cheng a Busûn saliang pe nuamlo te sialpi leh salam aki liau sak sek ui.Vaiphei Inkuan hi upa phung a ki chia ahi ziak in, a suapi te zi nei cha nei a in Chuan di phat leh a upa pen or apa kianga, In ka Chuan tau atiu chun ‘Tosa’ that in a upan anei kham kham in a go a hawm sek hi. Inchuan ahi tak nung a chun hatna sá in leh gan atha zaw chun a upa Sating a piak ding a hi.Anau te zi leh cha anei phat uh le a zi man mala a pe sek hi.
Ichenna Govt. in le Taxes Inmun lou-mun,bank loan, electric fee, tui-fee, school fee,news fees or percent a lalo na mawng mawng umlo, mihiam leh mihiam ki ne tua vek wildlife a ganhing umkhawm ki ne tuah vek gual a khawvel hi ki hel kual mai mai dan in a lang hi.
Zawlnei Isai in sakei te leh Belam te le ki lunggual tak in a Chen khawm hun di a gen kha Igam a hin hung tung ta leh chamna leh muana hung tun hun ngak in mihiam te hi’n ngak ham mai di dan a bang hi. Khawvel mihiam te hi go kichu ,kido ,kigawt leh ki eng siat n mai ah hikhua mat hi chim aum ta. Siamtu Pathian i Lalpa Jesu i sualna zosia ei tan dawk tu tat-tna hi mihiam pawm thei in, zui thei chiat ta leu hin khawvel hawina Chen in damsung chawm cha hi, mang khawm thei ta le hin, lei thak leh van thak a chun lengkhawm ta leu hin chu aw! a nuam na ding e maw? Lalpa i bawl sawmna hi hun sawp thiang in, lîmtawp umlo na gam a len ka nuam ma ma tau.
