CHAWLDAM KA NUAM TAI:-
KL.Muana Khaute
Ka khawhet philphel a pat in Manipur election ka hun pianpi a,ut thu hi lo in tuni tiang in nam politics in hinkhua ka hun tam zaw ka mang hi.Electoral politics in hi nutsia Guan 1986 kum apat in Theology ka hun Jil a,kochuam thiangtho lam nasep di hi kei ma sia leh ha hiat nan ka hun hun ki Jil to a,tichun,B.th,BD te serampore University nuai a zou in mission ( Presbyterian) nuai in kum 7 vel ministry na ka hun sem a,Pathian tawh ki pawl a Lalpa na ka sep jing lai in,unau melkihiat tua lo hun a hung tung a jia chun lung buai leh lamvai in ka um hi. Zia hun hi thuthunglui leh thuthung thak kikal a hun buai um gual a Khan ka gel hi.
Unau Mel ki hiat lo Thimpi chu a hung ki thial ta,unau ki hiat tuana na kut leh nunnawp tamvei pi aki bawl nung in khut ki tutua in chibai ki bukna a um ta ahi.zia Chu kitangkopi in lungtup mualsua Guan Indian govt. a zo- chate British ten ei khen zak uh chu gawmkhawm din Zo- re-unification policy a hun ki Sai a ,bang ahem tiang chu unity aki nei tai himahleh Re- unified na ding in kalbi tam tak a um nalai hi.zia unified na dinga daltu tam tak um mahleh nang leh kei chu dalti hilou dinga kisingsa dinga ngai leh kineppi chu ihiu.
Zo-chaten intum suang ding a kal khat kalni I suan pat uh leh ei sung a ki itsikna leh ki daidan nan ahun bawjui ngal a,zia chu saifel na ding lampi I hawl jing lai in,gam neitu kisa Teimei te ahung patau ngal ua,buai na neu neu cha cha ahung um leh ei insung nasan kihikhau in ium pan tau ahi.
Politics vai ahin umchan hiat angai hi Nam tam zaw hi jiak a nam neu zaw te foreigners ahiu ti mai hi thu bulbal ahi ahi nuam puai ajiak chu Manipur lailung a Cheng te bep hi indegeneous ahi diak puau,amau hi le kabaw mi, cachar mi,Thai mi etc or Bangladeshi mi le ahi thou ui. Kumza tel a chenpiu Zo-chate hi chawn leh ham a ki unau na a nei ban un,mel leh puan in le ki khen dan di a um diak puai mawk ah Manipur gam Hindu -vaisnavism ziltilna leh christian ginna a hung lut nung a nek leh chak,gindan,kichei dan leh ki sawng bawl dan a hung ki batlo sawt nung in michuam namchuam ,kidai dan na a hung um nung in nam Lian zaw ten politics a hung mang in ikal un communalism chi ahung tu lut tau a,tichun ei mau kikal a ki muda na leh kichi jiat guatna ahung um ta ahi.
Zia jiak achun nam Lian leh pilzaw,nam neu te vui mang nuam te lungtup a guitun lo na ding ei Mongolian suan leh pak te I gui uh a man thai lou na dinga ipi leh pu te dan upan naupa inchuan hi khawdang sawt lo a achantum chiat uh piak a in Chuan chu a gam damna pen hi ding in ka mui etsatna English te khawvel pumpi thunei pen leh pilpen ten le Englishmen te a khawsuakna ding in Europe ( europian) east or west a siam à tuni tiang in gam changkang leh continent thupi pen ahi jing ta ahi.
A chung a khang chiadan te en in Manipur gam thisa sualoa ikhawsuak na ding in unau khat ihi nau a,ahun leh agam Jil a lungdam leh kipak tak a ki inchuan hi I kumkhaw damna diu leh ikhawsuak na di en hi in ka hiai Unau khat uino min muk ata tua leh ki pet gual mai a iki pe tua tua uh chun Igam leh leichang uh hi hun chawm cha lokal in kol leh vai te gam hun suak di ahi.
A tawpna pen din ching – tam machin manau ni ti a ipu leh pateu thugosia sukbukimna le hintin,khawvel a dam sung sia chengkhawm jing di te ki ngainatna leh ki sawmdawl jel thei na dinga eitu leh vaihawm ten hepi gui det tak tawh suangphu phatak iphu iak uh chu thildik ahi chuleh khangthak ahung um jel di te a ding a go lul tak hi ding ahi jiak in I mihing lullul na phalo chu nusia in kilemna khaugui siamtu piak ngei a chun ki suikhawm tai tiu…Jaihin.
