11th Oct 2024 | Get in Lamka News, Mizoram
C I R C U L A R
Mizoram Comercial Vehicle Union ( MCVU) General Headquarters-in Diesel leh Petrol man ti hniam tur leh Mizoram chhung inkalpawhna kawngpui chhe lutuk zualpui tal siam tha thuai tur a sorkar a ngenna chu, tihhlawhtlin a nih loh avangin, lungawi lohna lantir nan “Dt.14 Oct, 2024 (Monday) atangin Mizoram chhunga Comercial Vehicle zawng zawng, tiamchin awm lova, tlan loh nise” a ti a.
Hei hi MMCOA General Headquarters pawhin a thlawp tlat a. Maxi Cab a ei zawngtu zawng zawng ten theih tawp chhuah a, lo tawiawm turin kan inngen a. A hnuai a mi ang hian District Owners Association/Welfare/Maxi Cab neitu leh Driver ten hma la theuh turin kan ngenin kan inhriattir bawk e.
1. Mizoram chhung a, Maxi Cab neitu leh driver zawng zawngte tumah tlan chhuak lo turin kan inhriattir a. Tlanlui an awm a, an chungah thil tha lo a thleng a nih chuan MMCOA in mawh a phur lovang.
2. MCVU-in Duty a siam lohna khua leh vengah chuan Maxi Cab Owners’ Association/Welfare hruaitute’n Duty tur ruatin, ruahmanna an siam tur a ni.
3. Dt.14 Oct, 2024 MCVU hmalakna tura hriatfiah loh nei chuan MMCOA, hruaitute hnenah zawh fiah theih a ni.
4. Tunkar chhungin mahni khawlama haw tur chi chu mahni khawlamah hawvek a, Thawhṭanni ah Zing Dar 6:00 hma pawhin chhuah luih tum loh tur a ni ang. Tumah Dan ngaiin Maxi Cab te awm loh tur a ni.
(LALHMANGAIHSANGA)
Gen. Secretary
Mb – 9862507304
MMCOA
Gen. Headquarters
Aizawl : Mizoram
