20th May 2024| Getinlamka news
Fashion Designer Laishram Kumarjit kapliam ah um
Achiata May 18 2024 nikhanFashion Designer Laishram Kumarjit chu kapliam in ala um hi. Numei leh numei naupang zuak ah sumkawlvei Transgender Fashion Designer Laishram Kumarjit chu may 18 ni zingkal in phaicham thingnuaimiUnited National Leberation Front (UNLF K) Koireng mapuina’n thuhilna nei in akeng alakappiak ui. Pasal numei a kisiam (Transgender) Laishram Kumarjit (32) hi hunsawttak a kipat thil doi umlo tak khat, numei leh numei naupang ah sumkawlvei na hi alabawl ahita, a vel vel ah warning piama leu ngaisak leh limsak ah aneilo ziak in last warning ding ah UNLF K in akeng akappiak uh ahi tii’n UNLF Spokesman Pibaren Angomcha chun ala puangdawk hi.Kumarjit Patsoi police station huapsung Khumbong PHC mai a UNLF K te’nakeng akap piak masang un presste masang in adinsak nau ah chun, numei zuak ah sumkawlveina na hi hunsawt tak apat alapat ahitak dan leh, zia chun Minister, MLAs leh top government officialte ban ah mihausa contractorte hawle nât kha ahidan uh apuangdawk hi.Akeng kikap piak madeu inKumarjit chun thumang tak in presste mai a anasep leh a thilbawlte mipi hiatding ah ala puandawna achun, sum doi ziak in nungak, mothak leh numei naupangte haw chu Ministerte, MLAte top Government officialte leh contractorte kiang a ava zuaksek ahidan kichiantak in apuangdawk a, zia ah nâtkha haw Kumarjit in agendawna achun BJP Minister Y Khemchand, Th Bishorjit leh MLA Rameshor leh Education Director Nanda amausia hi ahiu a, agendaw lo tamtak um nalai hidan in agenbe hi. Laishram Kumarjit hi Imphal West district Takyel Kongbal Maning Leikai a cheng (L) L Sarat leh L Nenei chapa ahia, pasal in piang lehle numei hi nuam na lung anei ziak a Transgender kisua in, Fashion Designer minthang tak le ahia, Kumarjit hin anasep leh athilbawl diklo ziak ah a chan ding ah kilawm gawtna a UNLF K in akeng akappiak diu ada lo dan agen hi.
