GAM ECONOMY SIAM HOI NA DIN SUMDAWNG MITE KITHUAPI NGAI.
-Editorial column
Kei natiang in le hesasan I gam a SUMDAWNG mite dawr sang in gammilo te kiang a van chawk nuam ka sak na tiang aum sek hi. Ka um chan lui ka pai thei lo ziak in ka lungthim in hele le kava chawm lut ka zel sek hi. Gam mihilo te kainga van chawk a nawp dan chu gen di hita leu hin I vak gen zing thei ding pen chu I nawp zat zat a I dek lele adawr neite lungna lo, tampi van I etnung ale chawk lo a ipawt san di ki suang la di umlo, I dek thiam le ei kiam thei uh ti te hi deu pen ding ahi. Ei mi dawr bawl te chun a khel aval a aman ding mawk sak sang lo ahi ziak ua dawr te ading in dekse lo a asak zat uh I chawk piak ziang thei ding a kitup tak a rate ala siam sek tak ziak ua chun a chaw di te le a dawr ngak te kihotam ah ki dek in um zia aneita lo ding mawng ahi. Zia te ziak chun thingtang mite dawr sang a igamlo mite dawr chu nuam sa akitam diak in alang hi.
A hile a nawp zaw lam lam a I chiau chun, igam a ei mi dawr bawl te chu khang tolo ding tina taw bang ahi. Tamtak holim na leh I puak nat mamau chu dawr ding a igammilo te luaksak ahi itiveu sek ui,mipi lamte hinle I mawpuak nau I gam ading a ipan thei nau mun pawi maw tak I tai san khak uh um chu zia hi ahi. I Thingtangmite dawr sau sau chiat ta leu hin, a dawr uh hung khang len thei zel ding ahiu. Zia chun khat vei ni tei chu Khawpi dang zuan se lo a I khawpi mama iki chawk thei thil tamtak hung um ngei ding ahi. A gam mite Pandukan bawl ding, gamdangmite dukan a agamite vaki lawfa ding ti chu ipi leh pu igamleh gua ala humbit, fam eila chansan tate lungthim nata law ding in ka gel hi.
I gam a hia, asem ding,ane ding eite ma ihi. Pupa satsa kembit a, a I zut den uh nang le kei maw puak ahi. Neu cha cha iki dawr tua khan, thil lianpi hun sua thei ahi. Tui vat khat in Tuisuagiat asua hi. Laigui khat zawp ngen ihiu chun, Thisan ki bang neite ihiu, Tui sang athisan gikzaw a hi kha. Meithal chawi a Namsepai pangte bep ahem, Zomi Council te bep nam nasem ding in I kawi nau asawt ta law tai. I um mun chiat ua pan la thei chiat din awle.
