GIKPUAK KI DAWN TUA HI TIU:(Gal.6:1-18)
-K.LMuana Khaute
Mihing te hi mani chan tawk tiang ah, Mawpuakna puakgik a ki nei chiat a, akhen khat chu a puak zaw zolo di mawpuaknà chang leh piak khum a kium a,zia te chu panpi ngai te a hiu a,mihiam hi na dawl a thei dan dan ah, mi panpi leh kipuak pi dawl a hi zia hi mihing hina le a ki lawm a, Siamtu ngai in le aki lawm ding him a hi ahinla, kihuatna a hem a hi lo leh Pathian gawtna a hi chun, pauchapna panpi leh ngaidam dawt pina hi, mihiam te hiding a ki lawm leh puak gik ki dawn na hi ki lungsiatna leh Pathian çha i hi nau a ki sep diu chu a hi.Kei ngaidan in i mihiam chanpi haksatna puakgik ki panpi nàwpna nei lo chu tak sap nwi a ngai thei a hi.
Nasep leh thil bawl, khawtang nasep, Inchen lochen,damlo hitan,nelo chaklo,sa leh gal nei hun a te chuleh mihiam hina dawk a mimal puak zaw lo ki panpi hin mihiam leh siamtu a kipak ngei ding in ka gingchai. Mimal puak zawlo di mimal chung ah na ki guan hi, ki gawtna leh ki et te na le a hi nuam a, jia hi le ngun tak a ngaitua a,ei mimal adinga phatchuamna le a hi thei hi.Zia jiak achun gàwtna zosia hi le a phalo lam a lak jiang hi thil dik pen le a hi lo thei hi.
Mihiam te hin I sep ga chiat luak ding i hiu ah, i hi na khel ah. Ki thutaksak di le a hi puai, Pathian in mihiam te ki buk tua ding a hi puai a ma chu thilzosia chung a lian Pen leh chung nung pen a hi.Taksa lam a thep a um chu zaw in a um ah, amabo thagau lam thep zaw a um chu manthai na a hi zia ziak a chun thilpha bawl hitiu in ipuak gik te ki sawmdawl in ki panpi chiat hi tiu jia chu Pathian ‘LUNGLAM’ a hi.
Pathian leh mihiam te them kinla la thei na tiang tiang in panpi in jia chu thil pha leh pachat um a hi.chuleh dan umsa te jiak in chapo kin dan jui chu a pha a hinla Khrista jal in cross thil hi thei na jiak in dan chu nawl diak lo in a bukim na’n ka Pan ta tuhin chu Christ gingtu leh jui te chu Pathian mithiangtho a hi tau, Lalpa chu chawhawi jing in um ta hen Amen!
