I CHAWT NA LEH ILUANA MUN PHAWT I GAM AHI:
-KL Muana Khaute
Khawvel siam til a pat ipu leh pa teu in a satsa leh tual a len nau, lengdang englo a khawvel hawi na zosia zûn a lennau ngai leh kap ngawi ngawi ah, Kum zatam ilên nau gam, lung-ngai na kipak na malsawmna ituak teu gelzing kawm in, malai ipu pau te nuam tual laitual lenna lua kit ngei ding in pan thak la ding in zo-suante thisan sakol ngawng chan Thisan pal ngai in buaina haksatna paltheng ding in, Pathian in hun dawng kawt ei hun Hawn piak ngei hun a hin thitiang a ginum ah, inam te dikna lampi pui ding in kona awgi i hiat hun a hin, nang kei ti umlo in, k melma sumpi gual a zing chu, pal theng zo ding le thutak leh hinna lampi i suakchat theina lampi umsum chu a hi tai.
Khawvel leipek pumpi hi, kuama Chuam a ding a siam a hi puan, mi pil leh vaihawm te chu a lua na mun ta-phawt a gam ding in aki siam chiat un, tichu UNO gam neitu ding in a siam le hiatpi in, mipi leh Chung Pathian in a hung kit masang sia, a gam dan in a pawm piak ah, a hinla vaihawm thiam lo leh du-am chintawk helo leh a ma hephalo te chu gam khenzak piak zel a hiu, zia gual machun ei zo-suan te le vaihawm ithiam lo ziak un leh ki lung tuak lo ziak un, ei khen zak tau ah, namen lo in haksak te leh mi vaihawm na nuai in hun sawt pi ium tau a hi.
Tuhin, unau laizawm ihi nau ihung ki he dawk pan tau ah, igam neisa lua kit in kiltin ihung pang khawm thei tau ah, Lalpa Pak in um zing ta hen, pangkhawm ah melma ido lai ah, eile ei kikal a kihiat thiammlo te kilti’n in a hung pan ta, zia ziak a chun, melma ei khen zawlo na ding un, iki hiat thiam lo na te hemil in, thutak le i lungthim munkhat le ki pumpiak in, lungawi lo na zatam te nusia in, Pathian kiang ki tu lut ah, ipuak gik teu ki dawn tua in,igam leh nam a ding in, mipi leh Pathian kianga i bawlkhial nau thupha chawi ah, ki lan dinga imipi teu, siamtu’n a hun ngak zing a hi.
Khawvel umsung zallenna gam a khantona, kihepina, thutak a ki vaihawmna a um thei na dinga, ka hin nadin in, tudin mun hi, ngaitua na chim nei leh lung kigual a kipum khat pawimaw a hi. zia i political program’s hi haksatna buaina kituaklona kithangsiat na, chungnung kichuna leh ki buai na hung tam ma ding a hi, himaleh, Zia haw zosia, zothei dinga chun Pathian in pilna vaihawm thiamna, sekdona leh thimlal thil hithei na zo thei ding in, pathian in mimal chiat in, hun umpi henla, miti’n I gam a dinga Pahian in talent ei piak leh kawi chu mang thei chiat leu hin, zogam a zallenna dak hung-ging ding a hi tai.
Chun zallen na kawlni hung eng di kuan in, ei sunga kikhenna, Kimuda na kiengsiatna, sum leh pai giumlo nate, ,a bung abung ah,kikhen dan nate, chi leh kuang a ki daidan nawpnate, themtu/ melmate te gawlgukna ziak a gam leh nam zawk man nate, gul guala thudik chanve te mang ah, khawvel vaihawm tupa pilna leh thiamna zosia Dawi-ai a kibupna te ziak ah apat inam a dinga kithunun in, thi leh thi man leh man, igam leh i nam a ding in, i thei nau, zosia’u mang leu hin, Zogam chu luipang a thingnou gual in, hung sel in in, a sunga thil hing zosia siamtu chu chawi hawi tai tiu Amen!
