KHAWVEL VAK LAHIU
Khawvel mite, Pathian neilo te, ginglotute mu leh het a, VAK ihi nau em le? Khristian kiti Khrista neilo ihi khak ding uh lauthawng um mama ahi. Thilpha, thilhoi bawl leh gen ding bep hilo in, KHRISTA vak chu KHRISTIAN te a aki lat ngai ahi. Nek leh dawn, kampau leh hinkhua mat dan in Khrista nei dik tak chu het haklo hial ahi. Setan le mi thiangtho Khristiante gual in a um thiam mama ahi. Piangthak lo,Khristian lem mite mu a Khristian hinkhua mang mai mai ihi chun setan matchak khat ihi mai mai ahi ti hezing hitiu. SETAN matchak khristian lem kochuam mite lak ahin atam diam maw..?
Pathian in vang ei hechian hi, ei muchian hi, Pathian ei thep zaw ding gual ding ei puai e maw. Khawvel VAK hi malak sang in setan thim mial mite khu khum ding a nasem ihi khazaw diam! VAK lelam(opposite) chu thim ahi. Khrista Jesu a hinna nei, hukdam chate chu Khawvel thimpi zing nuai a khawsa nalaite ding achun kinepna chanchinpha ahi ding uh ahi. Pathian chanchinpha chu gamthim, setan suak,setan ngawnkawl pua thamuang takah umte kiang in i gen in i tangko piding ahi. Sakhuana hin thamuang mai puai tiu. Pathian chenna te chu Pathian vak umna mun ahi. Ei a Vak a um em? Pathian Temple ihi tak tak na em Unau kingaitua pha hitiu! Vak lem, Christian lem atam hi. Busi leh Bulem khendang ding ni hung tung pai ding ahi. Tuhin thiphut ziang hilechun khoitak mun tung ding in laki gingcha em unau? Nang leh nang ki gingchakna leh kinepna khan lung muang ziang kin. Lalpa JESU’N ahung he na em? Pathian cha dik tak lahina em? Pianthaklo hi zachakpi ding ahi puai, ahun um laicha hin LALPA lam bel hitiu. Piangthaklo hingal, Christian lem hingal Piangthak dan dan a um hi zachak a kisik kin zawk ding ahi. Biakinn sung leh mani hausatna ding leh nawpsak nading a VAK lem thaw ihi khak ding uh lau um mama ahi.
Tuhi ahun ahi, Gitlo kisik in LALPA lam in kit hitiu. Lamdang sa kin unau THAGAU A LA PIANTHAKLO CHUN PATHIAN LUNGNATNA MAITUA DING LAHI! Meidil kiti hi atak tak ahi. Tawtna ahi puai unau. Meidil lut ding in kisa hial kin aw unau…Thinung leh meidil mun a kisikna hun umtalo ding ahi.
*Khawvel vâk la hiu. Tâng chung ah khua um chu sêlgûk thei ahi puai. Min thaumei hâl in, law nuai ah a koi ngai puau in, a tunna’n a tung zaw sek ui; tichun, In sung ah mi zosia a salvâk sek hi. Zia gual ma chun, la vâk uh chu mite mit mu in vâk ta hen; tichun, la thil hi’phatteu chu mu’n, van ah la pau chu chawihoi thei in au*
MATTHAI 5:14-16
*“You are the light of the world. A city set on a hill cannot be hidden; nor do people light a lamp and put it under a basket, but on the lampstand, and it gives light to all who are in the house. Your light must shine before people in such a way that they may see your good works, and glorify your Father who is in heaven*
Matthew 5:14-16 NASB2020
*☦️KHRISTA LALPE’N SEPAI ☦️*