Blog

I tenna khovel zaw tekgop in tenna tak non mah mah kei veh aw..niteng a imuh leh jakte lah ki pah na di himhim om nonlou mai a maw. Bible thugen hun nanung a thiltung di leh hong om di a chihte zaw tung lel lel zaw ahi ta ve. Khovel buailouh na gam om nonlou in khovel kinoh in nakpi tak in ki singsa hi. Nauvei kipan a suak khe dek bang in ki noh mah mah mai hi. Mihingte lah ki noh dan theilou a I om ngeingei a lung muang tak a om miuhmeuh mai. I innkuan pih teng, I zi ita I Sanggam teng toh hotdam a vangam kai vek di bang hi le zaw Amen hongpai ta in Toupa Jesu chi in sam mai le maw a uthuai e…. itate khong I awlmoh deuh lai a hi ven khovel a zaw khiatlah di omkei tel e aw chimtak huai bang mai ta hi. Na tatsa na mi siangthoute ka gim lo ta uh leitung gimhuai paisan ka ut ta uh chi thei chiat din kisa thakni. Hongpai ta in Toupa Jesu chi in I Thumna leh i kahtam uh hong hita leh uthuai na mai zen e..!*

_Toupa kiang ah I khelhnate ngaihdam ngen in a mai ah kunni. Toupa aw niteng a thiltungten na hun a nai tak dan hon hilhhilh mai ta hi. Na thuhing ten le hon bun zou nonlou a bang mai ta hi. Ka mit ua ka muh uh leh ka jak te un le hon ki phong khesak zoulou hi. na lamnaih a na Mel zong ding chi lah om kei ung, ka om na mun uah lungmuang takin tulai ung. Toupa bang in hong phawng halh a hon kiphok khesak ding ahia?? Nang loungal hon phong khezou ding om kei, nangmah Kha in hongphawng halh thak in tanglai a na hong vehbang in hong veh thak non in aw..Toupa ka hon ngai uh hi._

*Natna hipi leng kal ah mi tampiten a hinna uh ana tanta ua, mite niteng hunteng a hipi ziak a asih lai un eiten Pathian lam a kingaituah na di hunhoih tak piak a omlai ihihman un hampha mahmah ihi uh. Natna hileng te a kipan a ki veng theilai ki kep theilai a om ihi. Mite ki kem theinon lou a hinkhua bei tampi om ta hi. Toupa hoihna ziaka hamphatna i tante amah lam naih na in zang ni, a khente natna hih buai a damdawi insung a le talou insung le tang lou a a om lai ua nang inlum a inkuanpihte toh lungmuangtak a khosa theilai na hi hampha lua na hi. Nang hoihna ziak a hiaitan tung di hilechin na loh khe zou diam?? Hiaitan dam di hileh na dam dia hia?? Ei hong it a hon taisan ngeilou Toupa ziak ahi chih theisiam mahmah le uthuai lua hi. I mi hinpihte haksat leh gentheih thuaknate a kipan in pilna la in Pathian lam naih na in zangthei le maw!! Ei le amau dinmun a ding thei, amau thuak bang thuakthei ihi chih thei kom a hinkhua zat poimoh lua hi.*

“`Khovel ah I ki ngak na omsun Lametna leh Ginna i neih ziaka hiaitan kipak leh lungmuang a om ihi. I Toupa ziaklel ahi lungkham leh mang bang in om kei ni. Ni hong tum a hong suak zel bangin haksatna zong kumtawn daih di omlou hi. Beidawng kisa in kun den kei ni chikmah a hontai san ngeilou I Pathian kiang ah i haksatnate tunni. Thumna in thil ahihthei a, Thumna a poimoh dan – i damna, i hinna leh i nakna ahi. Thumna tuh leitung a dangtak te vakna/chawmna dinga tuinak omsun ahi. Hinna in taksap nei gige ahihman in i thum gige mah uh ngai ahi. Tua i natna hipi leng bang le a hih bei thei tu Toupa nei ihi. I thum ding ua Toupa lemsak a hih leh hong bei mai di ahi. Natna hipi-leng i lauh bang in, i buaipih bang in Pathian lau in buai pih le i tung ah bangzahta in Pathian a lungkim dia chih khong ngaihtuah thakni. Ka tungah bangteng hongtung in natnate matkhak in omlengle leitung hinkhua a zou ka himai, ka inn taktak ding tung ka hi chi ngam din – hiaibang paukam zang thei din om i sawm chiat di uh aw. I maban di thei omkhang, i hinna ei thu hilou ahi. I tuah bangbang vaidawn thei din Pathian lam ah ki mansa in om ni lawmte.!!“`

Khovel zaw buaina khovel ahi. LUNG-AP huailua maw vengvung tel lawm!! simtute Toupan hon vualjawl chiat hen aw