KIVAIHAWMNA TUAM NEI DING A KISAKKHOLHNA…
Tuhun a Zosuan Zofa(kuki-zomi/mizo-hmar) te toh meitei te i kidouna utuh kidouna thupi leh chiamteh tham kidouna hong hiding ahi!
Thuakna tuamtuam sihna-manna, inn leh lou tanna, haksatna chikim in hon bawm mahleh eite a ding in socio-political survival or suahtakna lampi hon tuntu lian pen hong hiding ahihziak in, kidouna manpha leh poimoh pen ahihdan kuapeuh in theisiam dan in leng kakimu a kipahhuai kasa mahmah ahi.
Huaiziakin, hiai i meitei galdouna utuh amaimai hilou in thanop a thanophuai leh lungluthuai mahmah ahihman in zou ngeingei ding a kisakkholhna hoihsem toh hanchiam a, thanop suah semsem ding in kuapeuh i kichial thakthak uh ahi.
Tuatoh kiton in, i lungput leh ngaihtuahna te himhim uh leng mailam suahtakna ding galmuh kawm a eileh ei kivaihawmna tuam(Separate Administration) toh khosa tou ding leh eimah kitou delh ding a kisak kholhna i neihpah ding uh kisam kasa ahi. Huai i galmuhna te uh taksuahna ding in hiai a nuai a point te bang ngaihtuahna ah neitou pah lehang a hoih diam chi’n tomkim in ka hon luikhia ahi:
1) I Political demand uh SA/UT with Legislature Power…etc kichian tak paipih a vaisai pawl UPF/KNO leh Pressure group tuam Zo United, ITLF/COTU/HTC or other CSOs sung a i heutumuan te uh hoihtak a kithuzaktuahna felzaw sem toh kithumun khat zawsem a pan i lak taktak ding uh a poimoh penpen ahi!
2) Defence Budget nasatak a i puahphat ding:
A tung a point nungthuap tu poimoh pen tuh i galdouna ua matawng/Frontline duty na mun detdou leh a bit gige ding himai ahi.
Huaiziakin, donpi-donke a om leh leng i hihtheih bangbang ua thohkhawm zel ding kimansa a i om gige ding uh ahi. A diak in, vualzawlna tangtuam zodeuh i mahajon/businessmen/contractors/mihausa tetung ah lametna a sang tuan mahmah ahi!
3) Media/Socialmedia…etc suk hat ding: Media thilhih theihdan i theihsiam mahmah ding uh ahi. Thautang sang a hatzaw khovel pumpi kapzak or kapsuak zou ahihdan thei a i ngaih poimoh mahmah ding uh ahi…selah!
Hiai nnasem thei ding a siamna nei thu/la/propoganda ..etc gelhsiam khempeuh te kidamlou hial a i panhuan ding uh ahi.
Himahleh, i thu/la/propoganda gelhte un ei hon kappuk thei ahihdan theisiam a i pilvan mahmah ding uh ahi!
4) Sustainable Economic Development Planning & Strategy, hoihtak toh eileh ei kivaihawmna tuam nuai a, nektakzonna bangkim a ki-enkol zou ding a i kisakkholh touhpah ngal ding uh ahi. Tuabang ding in hiai anuai a dan in panla leng a hoih diam ichi ahi:
i) Agro-Horticultural Activities nakpi tak a uangbawl thak ding: Huaituh a tomkim in, huanhai-loubawlna leh theihuan nekpah theih ding bawlna lamsang nakpi tak a i pibawl ngeingei ding uh a poimoh masa hong hiding hi.
Aziaktuh, galdou lai i hihziak un haigah tung baih theipen te priority i piak ding uh ahi. I gam uh hing dipdip gam-awng khat peuh ah hiai anuai a haichite chiinna ding i buaipih fetfet ding uh ahi, mipi nautang nasem thei khempeuh in.
Eg: Kawlkai, Hakai, Singkawlkai, Allu, Buh, Vaimim, Ziklum, Phulun, Tomato, Malta, Manta, Samphok, Begap, Nahtang, Singtangmai, Sing, Ai-eng, Ailaidum, Isikut, Annkambulbal….etc.
Inncheina a i pakbel tuamtuam te uh leng mehlak a heltheih haichi tuamtuam te chiinna ding a i zat phot ding uh ahi!
ii) Mechanics/Electronics…etc. Any Engine toh kisai himhim eg: gari, mobile phone, electricity…etc. leh a dangdang bawltu ding kisam mahmah hi, Meitei te awng-hu thei ding a i kisinsiam meng meng ding uh ahi.
iii) Tailoring, adiak in School uniforms & pasal te kithopna puante khuisiam kisam mahmah hi! Meitei puankhui te a om nawnlouh ziak un!
iv) Exploring new things, ideas & tools:
Huaituh bang dang hilou in vanlui vanthak suahdan, engine khat apan engine poimohna dang a zattheih ding dan, siksia, plastic sia, laidal sia akipan vanzat thak bawl dan…etc te i kitoudelh theihna ding uh zonkhiak dan i kisinsiam ding uh ahi!
Eg: Vaite’n i siksia, laidal sia, plastic sia…etc, kiman taktak a lei uh, bang a zat ding a pokhiakhia ahi ua, chihte bang i ngaihtuah ding uh ahi.
v) Sing-leh-suang, khutsiam silbawl te uangbawl sem a zat didan tuamtuam, zatdan thak leh hoih zaw sem a bawl khiak dan te leng i ngaihtuah ding uh ahi.
vi) Huangvulh-ganta vulhte uangbawl thak ding:
Bawng leh lawi, vok, ngasa, aak, vapaal, vatawt, kel, belam…etc. te vulh a khoidan thak leng uangtak a i ngaihven thak ding uh ahi.
Banah, aaktui kuapeuh in i meh baihlam leh limpen khat uh ahihna ah ei tualsuak tampi piankhiak sak didan poimoh mahmah hi!
Tulehtu a i nektak zonna tuamtuam te uh govt/private job & services, dawr/bazaar kai, gari/rekshaw services, niteng a kilohna, loubawl…etc te a pai kawmkawm a sangzaw, felzaw, siamzaw leh kidaihzaw sem a omsak ding dan i ngaihtuah a i palhkhiak sak ding uh a poimoh leh kisam hita ahi!
5) Educational Institutions, Doctors & Intellectuals te role leng tulel a omna mun sang ua sangzaw enkawm a, a hihtheihna/pilna leh lemtheihna chiteng uh suah a pan hon lak thak taktak ding uh ahi.
6) Small/Medium Scale Industry toh kisai in i hihtheih leh panlak theihna uh bangbang a om a, chihte lungsim a nei a i kisak kholh touhpah ding uh ahi.
Eg: sikkilh bawlna, jewellery smith, mini/micro hydel project, cold storages….etc.
A ngeingei a omlou ding a kikhekna & mahni kitou delhna thak maituah ding a i kisak kholh chiat ding uh ahi!
A phatuam hetlou kisoiselna haihuai te leh mial motmotna khempeuh koih khia a tawpsan in mailam khovak i enchiat zota ding uh ahi…
Huaiziakin, kuapeuh in a ihih theihna lam chiat ua pan lathak taktak ding in i kichial uh ahi.
Singtang a om ten singtang ah, Phaizang a om te’n phaizang ah ka-innkuan leh gam a din bang kahih thei a chi a, hahip zen a i kipat thak ding uh kisam hi.
Adik leh bukim pen hikei mahleh, bangkhem pawtna ding leikha in a keivang chihdan pian in, a hoih leh bukim zawsem SA nuai a kivaihawm ding a kisakkholhna planning & strategy a hong om theihna ding a kalbi khat dan in i la ding uh ahi…
BANGKIM AH THAGUM/THATANG TOH KHUT NASEP HIMHIM KUHKAL I SUAH THAK CHIAT DING UH AHI!!!
Regards all Zo Brethrens,
ZO UNITED ZO STRONG!💪
🙏vcpaite🙏