20th Dec 2022 | Get in Lamka
LAMKA KHAWPI TUI DAWN DING TASAM
Mata Khugadam a tui dimset akiting maleh Lamka Khawpi dawn ding kum cheng le akitasam zing. Zia gual a Phalbi sin le Khawpi sung a borewell a tui te ki ningting lo ahi na hi kum chia sa apat ala hi tai. Mipi haksatna zosia Government kiang a gen gen dile kisuan la um bang thim maleh Tui leh Lampi haw hi mipi vot khiak a ki siam ziang thei chi ahi lo ziak in tu chung phalbi ahin le Lamka Tui hasat dan gen lo theilo ahung hi kit tai. MLA 2/3 te’n Mata Khuga dam apat Lamka Khawipi chan zan lut ding ala gaw zing sek maleu Lamkal a tui luang mang leh pipe kek ti bang ala um zing sek hi. Za haw chu paume thei ding leh suan lam thei ding ala um ziak adiam vang ihe puai, tu chan hin, Khawpi sung a Tui ki ning ting lo in aki um zing hi. Mipi lung gel in vang Inchung a tuibawn a tui adim aum, In nuai a pipe umlo ziak a kailo maimai gual in a holim uh aki he hial hi, zia gual lawm a bailam chule hi sam lo ding ahia, ahin la zia Mata Dam apat Oldbazar chan Tui luan sak na ding a, pipe long chu Government ding a chun thil haksa lo cha hi ding ahi zika in zia mipi haksat na hi Thuneitu ten paume ava nei in Government kiang tut kit mai leu nawp aum hi. Tui kiningting chun Dam hei na ei tut bei hilo in Puitu ginum nei te ihi nau asulang tu khatle ahi.