10th Feb 2025 | Get in Lamka News
Apollo Veng, New Bazar, Tedim Road (Near Axis Bank) taw kinai cha um GetinLamka News & Media House hondaw na tuni February 10, 2025 sunnung 3:30 pm in aum hi.
Zia hun ahin zinzaum apang LM Khaute, MLA, Lamka (58-CCPur A/C) in GetinLamka News & Media House hondaw na ding in ribbon cutting aneia, Azaw in, GetinLamka News & Media House hon dawna vaiguan aum a,Hun mat sung in, Lianboi Vaiphei ma apui nan programme sim thak na aum hi. Lamtuan thucha S. Malsawm, Founder & Chief Editor in anei a, aban in zinzaum LM Khaute in houlimna anei hi. Aman ahoulimna ah, GetinLamka News & Media House hawdaaw thei ah aumna chung ah akipak pi na thu aphuang a, maban a News kingakna thei, media house dangte sang a thudik leh dawichuam nei ah thusua bol lou ah, thusua um te ahina bang bang a thupesawn tu pang ding in adawisak na thu apuang hi. Amanhou limna aneizaw in kipa thugenna Pauchungnung Vaiphei, Associate Professor, CCPur College in anei hi. Chun, hunkhak na ding leh GetinLamka a ding a Malsawmna dawtpiak na Pu Ginlalthuam, Mualngat Hausapu in anei hi. Chuleh hetthei khat chu, GetinLamka News ahile, Vaiphei pau ah News kisim ahia, News Entute leh ngaithatute a ding ah thu kichian, thudik leh pawimawte hilsawn zel ding hi GetinLamka News tuple dawi ahi tin S. Malsawm, Founder & Chief Editor in agen hi.
xxxxxx
