5th Oct 2024 | Getin Lamka News
Mahindra in Thar Roxx launch dakkal khat sung ah 1.76 lakh pha
Mahindra Company in Gari thak –Thar Roxx kiti tukum Independence Day ah ala launch chu achiata October tarik 3,2024 ah zingkal dak 11 ah order lapan in dakkal khat sung ah booking 1,76,218 pha in, minute khat sung ah 2,937 ki booked tina ahi.
Chun,tu masang ah Scorpio N in minute 30 sung ah 1lakh booking ala mu sang inle Record amu hawi zaw ahi. Online Bookings te banah, booking hi official tak ah aki hawng masang ah dealerships ading ah pre-order ahi.
Deliveries hi Dussehra apat pat hiding ahi. Company in a puang dan in, tha khat sung ah Thar Roxx leh Thar 3-door gari chu 9,500 apat 10,000 tiang siam dawk ahidan uh gen in, chawmkhat sung ngak ngai ding ahi dan a puang bawk hi. Dawrtu te chu a gari order dungzui un deliver ding hun hiatsak hiding ahiu. Chun, Company in Thar Roxx 4X4 leh a bik takin Mocha Brown Interior Shade dawrtu te chun, kumkit January,2025 tha tawp lam tiang a ngak uh ngai ding ti’n agen hi.
Mahindra in marketers pil tak tak te gawi in, RWD leh 4X4 chuleh,4X4 darker shade techu mun chuamchuam ah launch in, bookings hun leh a man zat puan dawna ahin buaina bangma aum lo na ding in Auspicious Navratri ni in buffer siam ahi. Thar Roxx man zat ahileh dangka lakh 13 leh lakh 22.49 ti’n Mahindra Company chun a puang hi.
