MANIPUR VIP TE THUNEIDAN LEH MÀLAI LENGTE
~ By KL Muana Khaute
Manipur gam chiadan in VIP/ Leng chini a um a, khatna chu a mau pilna-thiamna ziak ua VIP or officer hung hi a um a, alet leh anei dan chu amau thiamna Jil leh govt.vaihawmte dawisak na jiak a ki nga le a um hi. Apanina te ahiu le chu hunbi nei a mipi te daw te ahiu a, party jiak a hem, vaihawm thiam jiak ahem ahi lo leh mitam(nam liam) ahi jiak le ahi thei hi.
Milian milal teldaw chiat lak in le alian diak leh thunei diak a um hi Mipil leh mithiam te sang in tel daw a um milian te hi alian diak un, thunei na le anei sang diak ui a vangphat lou uchun kum 5 nga sung a Lian thei ui, amabo, mivang nei mipi lunghawl thiam leh nasep thiam te chu kum tamtak le alian thei ui. Democracy gam leh dictatorship a vaihawm dan aki bat lo dung jui in thunei dan le aki bang puai, abang chu hi ta leh gam leh nam ngaina, khantona di leh lemna bawlte chu a ngaisan um un, avaihawm hunsung uh le asawt a khangthu a le a min uh aphai ahinla gilo tak a vaihawm te chu ase lam a genchim thei lou in aum un,asuan alak te a dinga ale lungkhamna leh zachatnan a hinkhua a mang ui.chuti chu ahi jiak in Leng leh Lal vaihawm te hi suan leh pak te makhua di gel a a vaihawmna hun sung ukha vision neitak a vai ahawm diu ahi. Malai a leng te chu pianphung a Leng(hausa) a um thei a, Hat jiak leh piljiak inle Leng aum um sek a, gitlo jiak a Leng a ki siam le a um thou hi chun Leng khenkhat chu mipi dawi jiak a leng or vaihawmtu din mun hung tu le a um hi Amabo, miten a la chang tel pen uh chu Pathian in Leng dinga guat/ atel teu hi atang pin a mungil deu in a vaihawm sung uh le a sawt a agam leh nam in le a phat chuam pi deu chiat ui.
Piangphung a Leng hung chang leh Pathian in a guat te vaihawmna hi a mungil a,agam leh amipin la a phat chuam piu a khawvel a khanto na leh a um deu tampi hi amavang amau mimal hatna, gitlojiak,Lal nawp jiak a Leng a hung ki siam kawm chu a Khan a sawt pua,beplo in buaina,tual leh gal le atam deu in,buaina gensenlo mipi ten a nei un thina leh mangthai te atam mama sek hi
Ikhangthu a leng te hun ki thak suk dan igen aki banglo leh zawngsak lo di tampi imu ahinla,tuni tiang inle telthaw a leng te leh a pilnau( thiamna) jiak ua leng tampi inei a, zia te lak a chun gam leh nam chuleh siamtu pilna kikawpi a ngilnei tak a vaihawm te jiak in Igam hin idampiu ahi. Ahinla,jia tiang bep ahin Pathian kipakna abukim nai puai ,jia jiak a chun,govt. Leh kochuam a vaihawm te hi Pathian dawidan a a beram teu ei ching uh henla,hinna tuithiang luang jing gual a damsung hunchawmcha ahin vai hun hawm thei lei Isai lekhabu Sakei leh Bawng ten le Lunggual tak a leng khawm a hinkhua amat khawp gual ua ei un le nang leh kei ti umlo khawvel hawina josia tawh siamtu chawi hawi tai ti chun Zion la lemkhawm tai tiu.
