4th April 2025 | Get in Lamka News
New Bazar a um Nute bazar thang ah um pharmacy kibol na building chu tuni sun nung 3:30 ding vel in mei in akang hi. Zia building nei tu ahile, Ex MLA L Rokung Khawlum a hin akigen a, zia inn kak na mun ahin Pharmacy 3 tel in dawr 10 dingvel akang ahi. Inchung ah um Modern Pharmacy, Abiel Pharmacy leh Lalsang Pharmacy te godown ah damdoi kikawi cheng kangsia hin akigen hi. Thusua zik ahih chan in meikang hung kipat na het hiki maleh, meikang hi innchung ah um Nute bazar toh kinai ah um asak nung pen apat hung kipan hin mit a muten agen ui. Meikang hetphet in akimnai ah mi phachuam ngai ten aphel u, chuleh fire brigade te kou ahi toh kiton in fire bridage tea hung tun in mipi leh sepai te toh kithua in inkang chu aphel ui. Chuleh, nitak dak 5 dingvel in meikang chu phelmit in aum hi. Pharmacy leh dawr bolten agennau achun meikang hat ziak in dawr sung ah um thil atamzo lak duo lou ah um hi tin agen ui.
