NOAH GINUMNA LEH CROSS NGAWNG-KAWLH A BÂT ZING TE MUALPHO NGAI LO:
-KL Muana khaute
Khawvel guatui umlo/ gamkeu lai tak ah, tuilet ding a hi tithu leh, thilsiam te zosia damna ding a kuang tuk ding a hi, Lalpa a pat hiatsak na a um ah, tui-sanglet ding a hi ti hi, mipi te’n Nuisan leh eulau leh thil um ngai lo chu mihiam te gitlona a san tak luat ziak in, Lalpa’n ka thupiak taksang lo te hi, su-chimit ding kahi a ti dung zui in, Noah Inkuan te bep in, phun nawilo leh gin umtak in lawng liantak chu a tu ham ham ui , thutiam chu a hun a tun phat in, gawtui chu ni sawmli leh zan sawmli mihiam te ginchak khel in a hung zûta, Lapa thupiak dungzui in Noah leh a In kuan te chu kuang in lut ban un, ganhing chiting a Kawp in a pui lut ah, tuisang-let chun a chup pha ta puau a hi, a sung kuan un a suak cha chiat tau ah, Pathian in a thutiam asukpi chu aki pak un, Pathian a chawi hawi tau a hi. Zia chu a hi Pathian taksang te thuguk leh lawtin na chu, eulawi ki hi ta leh Pathian thutiam a chun i gin um na diam?
Ziagual bawk a chun Moses in sum-gul a khai kang lai a khan le a gingcha ten, a en ua a dam pi chiat ui, himaleh aging chalo te a ding a damlo na thina a hi ta a hi. Pathian leh a mithiañg tho thu ziltina leh thupiak zui lo te a dinga damna ding leh Suachat na ding a um puai, i lullul na ziak un, thina leh manthaina a hi sek hi. Zia thute leh siamtu lem guat hi i zui chun, alawsam ngaipua, nang leh ken le zawlnei lem te thu gen tawh. Siamtu sawlna hi khawi zawk I ngaisak zaw diam? adiak in tulai tak tisa nawpna gal leh tual gal hi bang gual in I ngaitua diam? tuhin chu thagau mi te leh Pauchap mite leh isepai ten igal uh hi zo ma ma nalai un, ngaimai thei i hiu, a hinla I Pathian i ki nung heisan chun bang iti diam? tudin mun a Pathian iginnau leh ikinepnau hi i mualsua pi zo-na diam? nang leh kei ginna leh i nasep teu hi Lalpa lung a tung zing na diam? ti hi ka thawm hauna leh ka lungmuan maw-pi a hi. Awle unau I gen nau leh i nasep uh hi, sepaite Lalpa, gamneitu, i suk-kipak na diam uh? ti hi iki ngai tua thak chiat ding i mipi te a ding in, Pathian kiang huntin kakap zing hi.
I zogam hi Sodom leh gomora gual a gitlo na buakna, thanghuai leh kihepi na le umlo, gingtu te ihi na zal a Lalpa’n gal te lak a ei veng in ei panpi nalai mai mai in ka mu a hi, ahepi na leh a thagauthiang tho in ei nusia tamai zen le chu, suak leh sak ah, lut kit ding maw ahilo leh khawvel mintin a refugee te gual ah, kinepna bei a khawlai nau gual a vakvai in, Zion la sa thei lo leh khawvel gamtin a khista chanchinpha gen thei lo bep hi lo, milim siam kawm ho leh bia in ki um kit mai thei ding chu I ngai ngam na diam uh? khaile hun a um pet cha a hin Pathian lam ah kile kit ah, nisin a thagau thiangtho pawlna hinkhua mang in, gamtiam gam zuan in, siamtu lunglam hawl a gam kichian nei a nisin Lalpa tawh I ki pawl in, i lengkhawm mai zo diam ti chang ka nei a hi.
Lot a te In kuan gual ah, Pathian thugen la gincha thim himahle lunggil a Sodom leh gomorah nawpna ngai na zing kawm a um, Ginlel pum pum ah, Sodom nawpna thala kawm kawm ah malam sawn pum ah, nunglam milthei lo ah, nung et et ah, chi-khon suak sang in itup gam Separate Administration mani ki vaihawm thei na ding leh i suan ipak te tawh zallena gam Pathian chawihawina Kum tuang a limtawp umlo na khawpi, siamtu leh Angel vam te tawh, vanlâ ngun khamtual mun a ilen uh chu ngakla a uma, chuleh mithiangtho chia masa te tawh limtawp um lo gam chu ngai um zaw lo ding a hi em? kei chu ziagam chu ngai in khawvel nawpna te nusia leu hin ka nuam tai.
Ihatlai leh ihun masa zosia Pathian Ila zui ta, a hinla a hawilo thil ah, bual kit ah, Pathian thagau thiantho umpi na changlo ah mualpho ah um sang in, ei ma ei hepi naziak a thilthawn piak I chan ding chan thei kipakna hepina, malsawmna ilungtup vankhawpi tiang a ding le, khawvel hausak na leh, hinkhua mihiam te dawi le pawima te I chan sang in, Lalpa’n ei guan piak gam ah, suak leh sal a kinepna um lo hinkhua imat sang un, Pathian dawidan leh lungtup gual igam ngei ah, lîm leh kipak ah i um chiat thei na ding un kipe chiat tai tiu, zia chu Pathian eisiam san a hi Amen.
