*PHAI GAM LEH TANGGAM ZOMI TE’N A MAT DAN I THIAM UH A NGAITAI*
-KL Muana Khaute
I pi leh pu teu satsa ZOGAM hi lian tak himaleh mun tam tak hi I melma teu in tam tak ei lakpiak thei dinmun in I ding tau hi. Tuni apat hin i phaigam thaichi- bu I hinna pen hi ngaisiatlo ding achun In-mun ding in I Tuilo teu haw In-mun ding ah siam in I cheng dim tau ah, I galteu in Jiribam road leh Dimapur road (national highway) hi hung khak taleu en khawitak a anchang la ne ta di. Chuleh, essential commodity zosia hunglut thei talo leh kawl leh vaite chinsa nek leh chak a vangkal ah hunglut te hin ei chawmzona diam or supply – ration him him hunglut talo leh eite bang ti di. I kinepna um sun Mizoram supply mang ahin khantona leh kining-tinna ei pe jo tak takna diam ti ngaitua a um hi. I tuilo (paddy) field te hi in- mun ah I hawm ua, in-thai le chinglo, bu lei le bawl thei talo ah I um uh hi a khawk tak zet hi. Ziakachun, I phai-lei teu hi a matna ding tak ah mang a Bu leh Thai chingleu hin ei leh ei bangchan ahem ah kitodel theina lampi leh khantona phachuam zaw um ding ahi.
Zia gual bawk achun I Zogam thingtang gam liantak I nei a zia tak achun khuasat in I cheng ua, a gam a thaichi me leh thilchin chuam chuam lakna’n mat a, nam dangte khut a kingaklo a hinkhua nuam tak matthei ahidan pi leh pute’n a chinsa ahi. A gam sunga zu leh va gancha tam tak a um a, gamsate apat inle nek leh chak a piang ah, nunnawp- festival le nuam tak in ala mang sek uh ahi. Chuleh, gammang thing hawitak te at in Inn hawitak tak tanggam leh phaigam in I mangsek ui.
Chun, I zogam kimvel a lui luangte apat in nga, chengkawl leh me thei chuam chuamte bailam tak in a man sek ui. A lim mama sek ua, sum leh pai le a sua sek ui. Ahinla, tulai a luidung poison I thak ua nga leh a sunga um ai leh chengkawl nasan mu ding a um ta puai. Zia chung ahin khangthak mipilte’n gam leh gua etkawlna leh siamphatna lam ahun pi bawl ua, nidanglai ah sa leh nga nek ding tamlai gual ah natural resource neicha cha kepbit di dan a ngaitua hun uh ahitai.
Zomi te’n I lungtup separate administration nei ta ding ihi chun planning bawl ding tampi um in kahiai. Etsakna’n Airport, stadium, hospital leh University etc leh a dangte umna ding le guanggal ahun ta hilo maw..? Zia bep haw chu hilo ah international level a matthei ding khawvel pumpi hiat thei di stadium etc di tiang le guanggal ahun ta ahi.
State piting I hung nei phat uh le khawvel leh mipi’n a pawimaw sia sia le um na ding a ngaitua a ngai hi. Gam changkang itiu te le planning kitup tak a bawl masau a, a piting ziang ui. Chuleh, thil bangkim a kitodel zogam I hung hi ngai ding ahiziak in electricity, road and transport lam le ngai tua ngai ma ma ding ahi.
Khaile, chung Pathian ei puitu leh ei siamtu dawidan a I gam ding leh enkawl dinga ei ngansia ahina tawh ei titakna tawh ama I Pathian dawng jing kawm ah I khankhua diu I ngaitua diu ahitai. Ama gam neitupa leh ei pedi pa chung ah kumtuang leh a dawidan a gam thiangtho hung piang ding ahin ginglello hial in Lalpa vaihawmna chu ngak hitiu. Lalpa’n ei malzawl hen. Amen.
