SEPARATE ADMINISTRATION DING BOIPIA PHALOU HAM?
Dr. Sir H.H. Mate
Meiteite le Kukite hi acheng khom thei ta lou ding dinmun ihi tauvin, amahon jong imu nom tapouvin, itha nom uvin, hiti ahi tah jeh chun ningkum May lha kichai lam’a patna mipi thalheng’a itundoh u MLA inei sunnu mi10 hon kilungtoh tah a Separate Administration /Union Territory with Legislature anathum’u hi nam sung’a lamkai hon Centre lang’a no kitia ano uva pha hita lou ham? Land Separation la ahitan, Physical separation la ahitan, iding’a Manipur sorkar nuoija kivaihom na lam’a hi i-um um nah lai uham? Internet chowkidar Detolpa amaho gam sung Kangleipak boi jeh a amit monao midang’in amu ding ajah chat jeh a thinglhang/Hill district Churachandpr le Kangpokpia akha jing hi bolsah /kha sah louva pha hi lou ham? Eihon ipi amaho boina jeh a isuh boi diu um’a Lamka le Kanggui lang asuh boijing kei ham?
Nagate gamma ni 1/2 tou akha uleh ajahda jeh uva alah doh/akha da jeng’u ahi. Internet chowkidarpa/Detolpa thu thu a nun ding itiu ham? NH-2 kha pih jeng ding ahi. Songkoh ten ajah da uleh jahda tavinte. Hiche Songkoh te jong hin iphin phin’u, ichou chou vu ahin, 1992-1997 thilsoh a jong achung’uva kilung dam lou lai ahin, eihin phindoh uleh pha ding ahi.
Songkoh te lah a jong Ukhrul le Kamjog lang’a hohi alungthimset dan’u hi Ehsante toh kibang chet ahiuve. Nagaland a Ao khat in Manipur a Kacha-Naga Tangkhul ho le adangho ahin hou na chu adih chet ahi je. Pathen houte hiuva achon nao Pathen lungdei ahilou jeh a NSCN(IM) movement jong zero degree a um doh ahitai. Athi tokah uvin koiman Flag le Constitution pepouvinte. Soverign country khatna Soverign country 2/3 aum ngaipon ahi. Ahilou ding boipi chu Kacha-Naga hole Meitei te ahiuve.
SA/UT hi mu tei tei ding iti uleh Public/Mass movement jong ngai, gal jong khu thetna kap ding ahi jeng’e. Kiven ven, khongai ngai bollou hel ding ahi. Buffer zone/boundary semtoh sa hita, Meitei le Kuki te la kikom to talou, kikhen thengsel ihi taovin, kivaihom na lampang hi isuh tan diu bou vat ahi tai. MLA ho kiha peiju angaije, CSO lamkai ho akiha pei angaije, Inpi hole haosa ho akihapei angaije, KNO le UPF ho akiha peiju angai tan ahi. Separate Adminitration ineidoh vah lo uleh igenthei nao sang cheh cheh ding ahi. Kipan hiute, phei phung suon pan hiute, kanam mite ho.
