*SIHNUNG A NA HINKHUA DING NA NGAIHTUAH NGEI HIA!!*
đź“ť _Mawi Tombing_
*Khovel ah I damsung in sa a hing lai i hihmanin I kul leh poimohte i nek i tak di zon a ngaihtuah louh theih louh hi. I khosakna di, innkuante vak na di ngaihtuah ngai a, huchi komkom in i nek zonnate, sum leh pai i zonnate ah bangchin sum leh pai i zong a, bangchin nek i mu a, Toupa adin kihhuai leh mitsiphuai lungtang sunatu in nek i zong kha hia chih ngaihtuah huai mah mah ka sa.!!*
“`Sum leh pai muhna diklouin phattuamna hon pei kei a, amu di te a asangtu dite a laihkawi sak a nek sak inle hauhna hon pe tuankei dinga, sum muhna diklou in sum hau lengle muhna diklou na nana tuh a zatna/a denna ki theilou in ip tawvang a guan toh kibang lel ding hi. Muhna dik nang a pat na muh a gimtak leh tawltak tak a namuh a na lohsuah sa na nek a na zat kan a manpha leh thupi omlou ding hi. Toupa theihpih muhna- inek a izat a izek manpha in lungkim huai zaw hi. Toupan i muhna hon theihpih a hon zatpih leh tawmchik le manpha tak a hon zatpih thei hi huai manpha zaw ahi unau…!!“`
_Tagah meithaite adi panpihna sum te khong in na zi na ta na innkuan na kep leh zaw na innkuan in damna, khanna leh masawn na neilou ding a, na innkuante ading a gu/poison polut na hiding hi. Daikil kal a khosa haksa gentheitak a hinkhua zang a nekdi neiloute gawl bottan a nang gilpi ding nang ang sung adia na kaih lut na gu apap na puak ni chiangin thuak haksa lo ding hi. Meithai tagahte lungkhamna leh lungtang natna, na bolsiata anek di lai uh na nek sak a khase tak a na koih na leh khasiatna khitui uh aman tam lo ding hi. Nang chethei kisa a thulut zou ki sa a na om a, hauhsakna a na zat a na nekguk teng toh vangam na lut thei tuankei ding a, na puaklut theih di omtuan lou hi Sanggam !!_
Mihingte hithei i ki sak chiangin i pau bang hong lian pah thei mok hi. Chikmah chia buai ngei nonlou ding bang khop a kisaktheihna in hon zui pah mok hi. I paunak in *Lal ngeilou Lal ana – agu thuak hak* ana chi namah a hauhsak dan ki siamlou, Lal dan ki siamlou ei hihtheih leh eimah lam khiat bang sa pah mok dan ihi. Mikhat adia ana lua bang, mi’ theih vengveng ding leh chiamteh vengveng ding banga paukam zat baihlam mahmah hi. I hauhsakna in Pathian athei kha hia?? Pathian theihpih a hausa na hi hia?? Koi a hong kipan a hiai tan a khosa a hausa ka hia?? A hong kipatna sui kha hetlou mok dan ihi. Khovel a i damsung i hinkhua bei ding hilou ahi chih phokthak le deih huai mah mah mai hi.
*I sih chianga i hinkhua bei mailou ding ahi chih ngaihtuah kom in khovel a i damsungin Toupa lau kom a hinkhua zat poimoh mah mah hi. I damlai a i sep khiatte, i gamtatna te, i nekzonna te ah i lawm i vual lakah chethei ki sa a sum leh pai nei ki sa a vualzou tak a hinkhua i zatlai laiin i sih chiangin vangam ah i lawmman di/i kipahman di a om diam chih ngaihtuahna toh hinkhua zat poimoh lua hi. Na sih chianga na hinkhua bei ding ahihlouh ziakin na sih chianga hon uaptu ding tampi neih sangin vangam ah ana vaidawntu ding neihlouh khak lauhhuai zaw hi Unau!!*
“`Sum leh pai a kipahna in sawt daihlou ding hi. Itu-ita khanga vualzawlna khakbingtu i hihkhak di lauhhuai hi. Ei muhna diklou ei gamtat siat ziaka i taten athuak loh khak di uh lauhhuai lua hi. Khovel ah kipahna, lungnopna leh nopsak na i zong ua himahleh kipahna ten sawt daihlou in hon taisan pah hi. Lei thil tangtawn daih di omlou ahih dan hong kilang mo unau. Pathian in Khovel ah kipahna bukim ana koihlou ahi. Kipahna bukim zaw I Toupa kiang ah om hi. Huai zong ni Toupa toh omleng lungkimna- kipahna bukim ding hi. Amah kiang i tun chiangin kipahnate bukim ta ding ahihman in tua mun tung ding in kisa thak ni.“`
_Diktatna toh hinkhua zang ni._ *Simtu Toupan hon vualzawl chiat hen aw.*🙏🙏🙏
