THUCHING IPGÛK I CHUNG NÛNNA DING:
~ By KL Muana Khaute
I Bible in thuching ipguk ichung nunna ding ati hi, bang thuching a hi diam ti ka gel chang in lungthin gil tak a kipak na leh limna guk ka nei hi. Sawlchak Paul in Jentile gingtu te kiang a thu-mawp leh thu vaithakna chu ahi ngei mai a, zia thu thil Pani kawk a nei hi.
Jesu chu ami Israel te tandawk ding leh Pathian chatuan thiltup a genna chu a hi. Himale ama Israel te khawvel hukdampa. Amau a ding hung chu a la pawm ta puau in, Pathian ngaisaklo te Jentile lam a hukdamna chanchinpha a puan leh a piak ding chu genna leh chanvo a piakna hi in ka gel hi. Zia hi Pathian kumtuang lemguat chu a hi him in ka gel a hi. Pathian hepina leh ngil nei a ziak in Juda kumsang vaihawmna a guatpiak thothou ta a hi.
Tuhin Isarel nam mang te hawl in gamtin in palai a sawl ta a hi.
Khawvel a nam zosia hi a siam a hin, hun khat ni leh hun kaitho intin ama ging tu te chu hun kai khawm ding a hi. A mitel khaklo te hi tuhin a huai khawm ah, a ama gingtu te hi ago lua ding in hepina huang in apui lut ta a hi. Zia hi ahi diam, Thuching ip-guk ichung nun na dinga ua ei thutep chu mihing lak a le ating lopen ei te muntin gamtin a aum, ama he pha lote chawihawi a eisiam ah, a chanu chupa ei siama mithiangtho a ei hisak hi Pathian lopina le Pâ Pathian a hi na chu a hi. Khawvel mizosia a taksang a thuawi te hi achate ihiu ah, vangam go lua dinga ei siam leh ei namdet chu i hi tau.
A tawppen in Juda tamtak te hin, a Lal uh ala pawm lo maleu le kumsang vaihawm masang a chun amau hun ki he dawk in tin uh, amau sia leh leh pha hiatna leh kum sang vaihawm na chun a Pathian chu hun he dawk in tin, ama ah khiang kho in Pathian chu pawm tan nau.Pathian in ami siam ama ging te chu a ma kiang ah CHAWLDAM sak in ti’n ama pawmtu te tawh van Angel simsem lo te tawh chawi hawi in limtawp umta lo in ama tawh vân lopina leh chawi hawina lâ lem in, lim khawm tai tiu. Zia hi Pathian kumtuang lemguat chu a hi.