8th Feb 2025 | Getin Lamka | ZDR NEWS-Sports segment
TV LAMLALLIAN (middle) IN TROPHY VA DAWM KIT
Zillai Delhi and NCR in akisuanpi mama le inam sung ah peklum (football) thiamna chilgil tak nei akineppi um mama tamlou cha te lak lak ah khat, ei Zillai Delhi and NCR member Tv Lamlallian in zani (07/02/2025) akhan Haldwani, Uttarakhand in 38th National Games Men’s Football in gualzawna thilpiak (Trophy) 3rd prize leh Bronze Medal chu ahung ki aw lut kit ta ahi. Zia national games ahin Delhi ai aw ah kihel ding ahin eimi pathum teldaw ala hiu ah, adang pani tegel ahiuleh Seiminlen Touthang leh Kamginsei touthang te ahiu ah, ahung lawtinna chung ahin iki pakpiu ah adiak in i Zillai member chanpiu Tv Lallian chung in iki pak na asang diak ahi.
Tv Lamlallian hi S Kotlian Vangkhua hung seilian ahia apa ahileh Upa Khawmlunlal ahi. Chuleh tu le tu ahin Sudeva Football Academy a umzing le ahi bawk hi.
Chuleh Vak hiat thei khat chu Tv Lallian hin achiata May 2024 akhan Vivekananda U-20 Men’s National Football Championship na in Delhi team ala lamkai (captain) in a trophy ala lakpi ahi. Chuleh November 2024 akhan le Delhi state ai aw in Santosh Trophy ala kihel ta ahi.
Ziagual ah football pek ki gualsiakna lamkai ah Zillai Delhi and NCR member khat in ahung masawn zel hi inampi achawi hawi ah, iki thang at pi takzet ahi. Zia tigual lawtinna thu hawhih zillai in hiatkal aki ngakla, aki hiat phat lale kipak na sangpen in aki la ahi. Maban ale hung masawn zel in nam hung chawisang zel ding in Zillai Delhi and NCR in dawisakna sang pen taklang kawm in kipakpinathu sangpen le ahung ki lan bawk ahi.
