ZOGAM MEIMA MARUP(SOCIETY) COMMISSION LEH GO THUBUAI:
-KL Muana Khaute
Khawvel a mihing te hi a tangpi’n gimbek lo a,sum lawm a hausak kin nawpna a let ziak in Marup(Society) loan lak a hi lo leh In mun lo mun tungdawk a tam ma ma a ziak leh zal chu a leng In a ki bang puai a hinla, sum leh pai tampi lam dingle, nei-nung ding ti chu a hi tang pi a hi. Akhenkhat chu govt. job mu thei na ding, a khen khat chu business a thiang leh thianglo bawlna ding in, mi nei nung te sum a lawm a lak, akhen chu patta siamkawm leh zuau leh nal a sum lawm muh guat hi a hi.
Zia sum lawm muh thei na dinga chun lamhiltu(guide-commission chanvo( commission) bang zat a hem law ding in, a tai vel sek un, alawting le aum sek ua, a hinla amau lak ziang inle ki them in, a kal ua buaina a um thei sek hi. Kuama zosia hi Govt. job private sector a sem di post a um nailo ziak in a buai pawl a um thei sek hi. Zia bep chu hilo in business thiang bawl leh thianglo khamthei Drugs, Alchohol leh illegal business bawl le aum sek hi.Mihiam hina du-am na leh Diktak na kal in, khenkhat chu business thiangtho bawl in, awl awl in ahung nei zo-ua, ama vang business thiangle talent neilo le hiatgil na neilo te chu a lawsam mu ding aum sau sau ui. Zia achung a ki gen business thianglo(illegal) bawl te hi a Hausa hul hul ua alawting dan a ngaithei a hi zing lai in midang hinna tamtak asu siat ban in atawp leh amau kawltanna, buai leh vangsiatnan a vaidawn sek a hi. Minsiatna tawh adamsung hinkhua mang tang pi sek ui.
Nei le go tungdawk zen leh leiba luhang vum zen ah, Govt job a hawl (chawk)na ding sum tampi asung sek ua, a lasting pawl a um zing lai in a lawsam a tam ma ma ah, zia hin mihiam Lungthim a susia gitlona sal in atang uh bep lo in, mimal leh Insung buaina a tunga, society tiang in taksa leh thagau lam tiang in thina lampi apui lut sek a hi. Tichu mi nautang leh officer te kikal kitaksan lona a gasua ah, ikhawtang leh mimal in a siat law a hi.
Thiamna leh hiatna panglo a Govt job sum leh pai a chawk thei a hung hi Chu, kuama lekha simpei tak tak ahung tawm ah, Govt a nasem te well educated( lairik hairaga laisu khang daba) a hung tam tak ziak in Govt. kivaihawm na a hung dik thei ta puan, buaina tamtak a hung tut ta a hi, chun zillai genthei te le lekha sim a hung thada deu hindan kilawm tak a hinsanga, siatna lampin a chia atam tai. A diak in ei NEI (India) gam sung a hin, lekha simbep a zawng a hau in thildang thiamna khut-thiam thil/Skill development hung manga nek hawldawk pha i a ki tawm ziak in, khawsak niamna leh gitlona a sang mama a hi.
Zia a chung a thuchun a tawmcha igen te hi, a ching a thiam ten ei lam pui uh henla, lekhazil a pawimaw dan, business, khutnasep zosia hi value kibang a hi dan ei ziltil uh henla,eima talent dung zui in, Inkuan leh khawtang khanto leh mihiam hinkhua thiangtho Pathian in ei siam dan tak in, ei hiat thiam sak leu chu, azawng a hau hung kigual in tin, Pakcha vul lai hing dip dep gual ah, mihiam te hi hung vul dawk in chantawk a hindan hung thiam ding a hiu, imimal khawtang leh i Inpi( vaihawmte) te le lunggual tak in, khawsa khawm- limtang tak ah, i damsung khualzinna hi lim leh kipak tak in, mang khawm thei tai tiu in, zia khawvel lopina leh Pathian lopina hung ki lang Mai ding in ginchak na ka nei hi.
Khaile! unaute Pathian in mihiam zosia hi, aki banga ei siam a hia, ei-siam ziak leh i purpose ki he dawk chiat theile isep di leh ibawl di bawl ding chiat uh panmun lua chiat leu hin, leia idam le sawt ding a hi, ei le ikipak bep hi lo in, siamtu leh kipak ngei ding a hi, Zia mawpuakna Pathian in iliangko a ei bat hi sempiting chiat ding in Pathian ei panpi ta hen.